Lanbide Heziketaren helburu nagusietako bat da etengabe egokitzea enpresen langile kualifikatuen eskaeretara. Gure erkidegoko enpresa gehienek garapenerako eta merkatuak irekitzeko erronka estrategikotzat hartu dute nazioartekotzea.
Joera berri horrek bultzatu du Nafarroako Lanbide Heziketak nazioartekotzearen erronka bere gain hartzea eta beste herrialde batzuetako enpresa eta erakundeetan prestakuntza sustatzea, Europar Batasunak finantzatutako ekimen eta programen bidez.

Nazioarteko mugikortasunek oso eragin positiboa dute ikasleengan. Ezagutzak eta gaitasunak eskuratzen laguntzen dute, eta parte-hartzaileak gero nazioarteko karrera profesionala egiteko joera handiagoa duten pertsona bihurtzen dira.

Enpresek nazioarteko esperientziak balioesten dituzte, beren langileen artean hainbat alderdi aurkitu nahi dituztelako, hala nola erabakiak hartzeko eta arazoak konpontzeko gaitasuna, norberarekiko konfiantza, tolerantzia edo jakin-mina. Horiek dira, hain zuzen ere, nazioarteko mugikortasun-programek sustatzen dituzten nortasun-ezaugarrietako batzuk.